GAITA

  • Roberto Sotelo

Comeza a súa andaina como percusionista na A.C. Lembranzas da Ría en 1989. Formouse como gaiteiro autodidacta en 1993 e comeza a ser mestre en dita Asociación en 1999. Tamén foi compoñente da Banda do colexio do Hío, membro da asociación Meiramar Axóuxeres, fundador e membro actual do cuarteto tradicional Ludovaina e compoñente e director da Charanga Lembranzas da Ría. Ademáis imparte clases en asociacións como: Antoxo, Pais de San Roque, Recordos, Ardanceiros, etc.

BAILE

  • Manuel Cobas

Mestre de baile tradicional desde o ano 1994, actualmente imparte clases en distintas asociacións como Lembranzas da Ría de Cangas, Meiramar Axóuxeres de Moaña, grupo de baile de Alxén de Salvaterra de Miño, e Abertal de A Rúa de Valdeorras , así como en distintos centros educativos como actividades estraescolares. Impartiu cursos en Lugo, Ourense, Ferrol, Santiago de Compostela, Madrid e Viseu (Portugal).

Compaxina a súa faceta de mestre coa de bailarín, formando parte das compañías de danza Circio e Bruma. Como músico forma parte do grupo Fiandola.

 PANDEIRETA

  • María García

Iniciou a sua formación en pandeireta no ano 2003 da man do grupo de pandereteiras Veña que Vai, participando na escola de dita formación ata o ano 2006. Ese ano pasou a integrarse como pandereteira e bailadora na Asociación Cultural Lembranzas da Ría na que sigue en activo actualmente. No ano 2010 imparte clases na actividade de pandeireta nesta asociación.

Tamén desde o ano 2010 ata a actualidade, forma parte da Asociación Cultural e Folclórica As Lagharteiras, de Mos, como pandereteira.

No 2016 faise cargo das pandereteiras de Lembranzas da Ría.

  • Nébeda Piñeiro

É integrante das pandereteiras de Cantigas e Agarimos (Santiago) e foi socia fundadora do grupo Traspés (Vigo).

Na actualidade dirixe a escola de pandeireta do Ceip do Hío, a Lina e Lola e  a escola infantil de pandereteiras de Cantigas e Agarimos .

Leva desde o ano 2005 en Lembranzas da Ría, 7 deles como profesora do grupo infantil de pandeireta.

  • Claudia Álvarez

Ingresa no ano 2004 na A.C. Lembranzas da Ría, primeiro como integrante do grupo de baile, coa apertura da escola de pandeireta pasa a formarse como pandereteira da que pasa a integrar o grupo de pandereteiras da asociación.

Desde o ano 2012 forma parte do grupo de pandereteiras “Lina e Lola”

PERCUSIÓN

  • Sandro Sotelo

É membro da A.C. Lembranzas da Ría dende 1989, onde se formou como percusionista. Dende 2007 amplía a súa formación recibindo clases de percusión de Emilio Pichel e Alberto Costas. Imparte a actividade de canto e pandeireta na asociación de mulleres A Ponte de Aldán de 2008 a 2010. É membro fundador do cuarteto tradicional Ludovaina e foi membro de Fiandola dende 2009 ata o 2011. Entra a formar parte do quinteto Sons da eira no ano 2011. No ano 2011 comeza a impartir obradoiros de percusión e pandeireta en Vila Vidal, no concello de Ramirás (Ourense). É colaborador habitual do grupo de baile Trébede, da A.C. Peis d’hos de Cangas. Colaborador de distintas agrupacións folclóricas como son Dous Pontes de Pontevedra

ACORDEÓN

  • Alex Balbuena

Naceu en Vigo no Barrio do Calvario, onde comezou ós 8 anos os estudos de acordeón con Elena Menchero e 6 anos despois continúa as súas clases con Manuel Olegario, con quen segue colaborando no grupo de acordeóns “Tarataña”.

Recibiu numerosas master classes entre outros de Jorge Arribas, Fernando Fraga, Kepa Junkera, Karen Tweed ou Mairtin´Connor. Ten tocado No Festival de Ortigueira, Festival de Pardiñas, Lorient, Festival Intercéltico de Aviles entre outros festivais.

No ano 2013, fai a primeria publicación do libro CD “Acordeón tradicional e folk galego”, para acordeón cromático.

En 2015, publica o libro CD “Acordeón diatónico tradicional e folk galego”,  para acordeón diatónico.